Академияи Чандрасонаии Тоҷик
Таджикская Мультимедийная Академия

آکادمی چندرسانه‌ای تاجیک

Tajik Multimedia Academy

ПЕШГОМОН

Муҳиддин
Олимпур


 Муҳиддин Олимпур 2 марти соли 1946 дар рустои Шамтучи Фалғар (ноҳияи Айнӣ), воқеъ дар 220 килуметрии шимоли шаҳри Душанбе дар хонаводаи як кишоварз ба дунё омад. Аз овони кудакӣ орзуи наққош шуданро дар дил мепарварид ва ба ин хотир пас аз фароғат аз дабиристони зодгоҳаш барои идомаи таҳсил ба омӯзишгоҳи наққошии шаҳри Душанбе дохил шуд(идома....)


Заур
Дахте



 Заур Дахте филмбардор ва аккоси шинохта, ходими хидматнишондодаи фарҳанги Ҷумҳурии Тоҷикистон, барандаи ҷавоизи бархе аз озмунҳо ва ҷашнвораҳои байналмилалӣ аст.
 Ӯ соли 1936 дар Доғистон ба дунё омада ва аз соли 1937 то соли 1951 дар Ирон зиндагӣ кардаааст. (идома....)


Нозим
Қаландаров



 Нозим Қаландаров, аз аккосони боистеъдоди тоҷик аст. Ӯ 20 июни соли 1971 дар шаҳри Душанбе ба дунё омадааст. Пас аз хатми мактаби миёнаи рақами 17-и шаҳри Душанбе, ба факултаи физикаи Донишгоҳи давлатии Тоҷикистон дохил шуда, соли 1993 таҳсилро ба поён расондааст. (идома....)


Мақсудҷон
Ҳусейнов



 Мақсудҷон Ҳусейнов 28 феврали соли 1954 дар Шурои деҳоти Ёваи ноҳияи Бобоҷон Ғафуров, дар вилояти Суғд дар хонаводаи деҳқон ба дунё омадааст. Ӯ пас аз фориғ шудан аз мактаби миёна дар зодгоҳаш, соли 1971 ба факултаи рӯзноманигории Донишгоҳи давлатии Тоҷикистон дохил шуда (идома....)


Муборакшоҳ
Гулҷонов



 Муборакшоҳ Гулҷонов 29 июли соли 1970 дар ноҳияи Ҳисор ба дунё омадааст. Пас аз хатми мактаби миёнаи рақами 67-и ноҳияи Рӯдакӣ ба Донишгоҳи техникии Тоҷикистон дохил шудааст. Соли 1992 ин донишгоҳро бо ихтисоси муҳандис- механик хатм кардааст.  Аз соли 1992 то соли 1994 дар корхонаи “Тоҷикгидроагрегат” кор кардааст. (идома....)


Баҳром
Ҷалилов



 Баҳром Ҷалилов 20 феврали соли 1989 ба дунё омадааст. Донишгоҳи технологии Тоҷикистонро хатм кардааст. Забонҳои форсӣ, русӣ ва англисиро медонад. Баҳром аз вежагиҳое, ки барои як аккос лозим аст, яъне ҷаҳонбинии фарох, сабки мунҳасир ба фард ва тахайюли рангин бархурдор мебошад. (идома....)


Дидор
Саъдуллоев



 Дидор Саъдуллоев баҳори соли 1981 дар шаҳри Душанбе ба дунё омадааст. Мактаби миёна ва факултаи физик ва риёзии Донишгоҳи миллии Тоҷикистонро дар шаҳри Душанбе хатм кардааст. (идома....)


ОМӮЗИШИ ЧАНДРАСОНАӢ

ДАВРАҲО

СЕМИНАРҲО

ДАВРАҲОИ ПЕШИН

ОҒОЗИ ДАВРАИ ОМЎЗИШИИ ФОТОЖУРНАЛИЗМ ДАР ТОҶИКИСТОН

  Ин давраи омӯзиширо Бунёди байналмилалии Олимпур бо кумаки Институти “Ҷамъияти кушода”-Бунёди мадад дар Тоҷикистон баргузор мекунад ва дар он дувоздаҳ аккосу хабарнигори тоҷик аз шаҳрҳои Душанбе, Хоруғ, Хуҷанд ва Қурғонтеппа ширкат доранд. Ин давраи омӯзишӣ аз 19 то 23 майи соли 2014 идома хоҳад дошт.

   Дар ин давра, ки ба сурати семинар ва баҳс баргузор мешавад, усули ҳирфаии рӯзноманигорӣ мурур мешавад ва намунаҳое аз корҳои аккосон дар Тоҷикистон ва ҷаҳон мавриди баррасӣ қарор хоҳад гирифт. Ҳамчунин, дар бораи расонаҳои диҷитол ва ояндаи расонаҳои суннатӣ, монанди рӯзнома, радио ва телевизион ҳам баҳсу гуфтугӯ мешавад. Дар ҷараёни ин давра ҳар ширкаткунанда меомӯзад, то бар асоси як достони ҷолиб як нигорхонаи акс (фотогалерӣ), видиои кӯтоҳ ва ё як гузориши тасвирӣ таҳия кунад.

   Беҳтарин корҳои ширкаткунандагони ин давраи омӯзишӣ дар вебгоҳи Академияи Чандрасонаии Тоҷик мунташир хоҳад шуд.

   Дар ин давра бархе аз устодони фотожурнализм дар Тоҷикистон, ба монанди Заур Дахте, Нозим Қаландаров ва Муборакшоҳ Гулҷонов тадрис мекунанд. Ҳамчунин рўзноманигорони бособиқаи дигаре мисли Девид Мортон, Боқир Муъин, Исфандиёри Одина, Суҳроби Зиё ва Зеваршоҳ Муҳаммад дар баҳсҳо ва машғулиятҳои назарӣ ва амалӣ ширкат доранд.

   Барои сеюмин бор аст, ки Бунёди байналмилалии Олимпур ва Институти “Ҷамъияти кушода”-Бунёди мадад дар Тоҷикистон дар заминаи рӯзноманигории чандрасонаӣ ва фотожурнализм дар шаҳри Душанбе давраҳои омӯзишӣ баргузор мекунанд. Дар ду давраи омӯзишии қаблӣ, ки дар солҳои 2007 ва 2008 баргузор шуда буд, беш аз 30 хабарнигори тоҷик ширкат карда ва малака ва маҳорати касбии худро такмил дода буданд. Беҳтарин гузоришҳои ширкаткунандагони давраҳои омӯзишии қаблӣ дар вебсайти Jadid Online мунташир шудааст.

   “Бунёди байналмилалии Олимпур” як созмони ғайридавлатист ва ба ёди Муҳиддини Олимпур, хабарнигор ва аккоси маъруфи тоҷик дар соли 1996 таъсис ёфта буд. Дар раёсати он нуҳ нафар аз рӯзноманигорон, адибон ва аккосони тоҷик узвият доранд.